ચીનમાં કોરોના જેવો બીજો એક નવો વાયરસ મળી આવ્યો છે. આ વાયરસ વુહાન લેબમાં મળી આવ્યો છે. આ વાયરસ માનવ સ્વાસ્થ્ય માટે એક નવો ખતરો ઉભો કરી શકે છે. આ વાયરસની શોધને કારણે હોબાળો મચી ગયો છે. એ જ ડર ફરીથી લોકોને સતાવવા લાગ્યો છે.
દુનિયા ફરી એકવાર વિનાશની સ્થિતિમાં આવી શકે છે. ચીનમાં કોરોના જેવો બીજો એક નવો વાયરસ મળી આવ્યો છે. પ્રાણીઓથી માણસોમાં ફેલાવાનો ભય છે. આ નવો વાયરસ ચીનના વુહાન લેબમાં મળી આવ્યો છે. કોરોનાથી થયેલી તબાહી કોણ ભૂલી શકે? આ વાયરસની શોધને કારણે ફરી એકવાર ગભરાટ ફેલાયો છે અને લોકો ફરીથી ડરી રહ્યા છે. બ્લૂમબર્ગના રિપોર્ટ મુજબ, ચીનના વુહાન ઇન્સ્ટિટ્યૂટ ઓફ વાયરોલોજીના સંશોધકોએ આ નવો વાયરસ શોધી કાઢ્યો છે. આ વાયરસ માનવ સ્વાસ્થ્ય માટે એક નવો ખતરો છે.
સંશોધકોના મતે, આ વાયરસ એ જ રીસેપ્ટર્સ દ્વારા કોષોમાં પ્રવેશ કરે છે જેમ કોરોનાવાયરસ કરે છે. આ વાયરસ મનુષ્યો અને અન્ય સસ્તન પ્રાણીઓના શરીરમાં જોવા મળતા પ્રોટીન સાથે જોડાઈને કોષોને ચેપ લગાડે છે. આ નવા વાયરસને મિડલ ઇસ્ટ રેસ્પિરેટરી સિન્ડ્રોમ એટલે કે MERS તરીકે પણ ઓળખવામાં આવે છે.
રિપોર્ટ અનુસાર, 2012 થી મે 2024 સુધીમાં, લગભગ 2600 લોકોમાં MERS વાયરસની પુષ્ટિ થઈ છે. આ વાયરસથી સંક્રમિત લોકોમાંથી 36 ટકા લોકો મૃત્યુ પામ્યા. વિશ્વ આરોગ્ય સંસ્થાની વેબસાઇટ અનુસાર, તેના મોટાભાગના કેસ સાઉદી અરેબિયામાં જોવા મળ્યા છે. વુહાન વાયરસ રિસર્ચ સેન્ટર ચામાચીડિયામાં જોવા મળતા કોરોનાવાયરસ પરના તેના કાર્ય માટે જાણીતું છે.
વિશ્વભરમાં કોરોના વાયરસને કારણે 15 મિલિયનથી વધુ લોકો મૃત્યુ પામ્યા છે. મોટાભાગના મૃત્યુ દક્ષિણપૂર્વ એશિયા, યુરોપ અને અમેરિકામાં થયા હતા. WHO ના રિપોર્ટ મુજબ, ભારતમાં કોવિડને કારણે 47 લાખ મૃત્યુ થયા છે. પરંતુ ભારતે WHO ના આ ડેટા સામે વાંધો ઉઠાવ્યો હતો. ભારત સરકારનું કહેવું છે કે જાન્યુઆરી 2020 થી ડિસેમ્બર 2021 સુધીમાં દેશમાં ફક્ત 4 લાખ 80 હજાર મૃત્યુ થયા છે.
