રિઝર્વ બેંક એક મહિનામાં 5 કેશ વિડ્રોઅલ ફ્રી આપતી હતી, પરંતુ હવે આરબીઆઇ આ 5 ટ્રાન્ઝેક્શન પર લિમિટથી વધારે ચાર્જ અને એટીએમ ઇન્ટરચેંજ ફી વધારવાની યોજના બનાવી રહી છે.
જો તમે પણ દર મહિને એટીએમમાંથી રોકડ ઉપાડો છો અથવા ડિજિટલ પેમેન્ટનો ઉપયોગ કરીને કેશ પેમેન્ટ કરો છો, તો આ સમાચાર તમને ચોંકાવી શકે છે. ખરેખર, એટીએમમાંથી રોકડ ઉપાડવી હવે મોંઘી પડી શકે છે. કારણ કે રિઝર્વ બેંક એટીએમમાંથી કેશ ઉપાડવાની ફીમાં વધારો કરવા જઇ રહી છે. આવો જાણીએ શું છે સમગ્ર મામલો…
રિઝર્વ બેંક હાલમાં એક મહિનામાં 5 કેશ વિડ્રોઅલ ફ્રી આપતી હતી, પરંતુ હવે આરબીઆઇ આ 5 ટ્રાન્ઝેક્શનની લિમિટથી વધુ પર ચાર્જ અને એટીએમ ઇન્ટરચેંજ ફીમાં વધારો કરવાની યોજના બનાવી રહી છે. મંગળવારે હિન્દુ બિઝનેસલાઈનના રિપોર્ટમાં આ જાણકારી આપવામાં આવી છે. એટલે કે એટીએમમાંથી રોકડ ઉપાડવા માટે તમારે વધુ પૈસા ખર્ચવા પડશે.
કેટલો વધશે ચાર્જ?
ધ હિન્દુ બિઝનેસલાઇને પોતાના રિપોર્ટમાં આ મામલાથી પરિચિત લોકોને ટાંકીને કહ્યું છે કે, એનપીસીઆઈએ પાંચ ફ્રી લિમિટ સુધી પહોંચ્યા બાદ કેશ વિડ્રોઅલ ચાર્જ હાલના 21 રૂપિયાથી વધારીને 22 રૂપિયા કરવાની ભલામણ કરી છે. એનપીસીઆઈએ પણ રોકડ વ્યવહારો માટે એટીએમ ઇન્ટરચેંજ ફી ૧૭ રૂપિયાથી વધારીને ૧૯ રૂપિયા કરવાની ભલામણ કરી છે.
બીજી બેંકના એટીએમમાંથી એક નિશ્ચિત મર્યાદા બાદ પૈસા ઉપાડવા પર ઇન્ટરચેંજ ફી વસૂલવામાં આવે છે. એટલે કે એટીએમ સર્વિસના ઉપયોગના બદલામાં એક બેન્ક દ્વારા બીજી બેન્કને ચૂકવવામાં આવતી ફી છે.
આરબીઆઈની બેઠકો
રિપોર્ટ અનુસાર બેન્કો અને વ્હાઇટ લેબલ એટીએમ ઓપરેટર્સ મેટ્રો અને નોન-મેટ્રો શહેરોમાં ફી વધારવાની એનપીસીઆઇની ભલામણ સાથે સહમત છે. પરંતુ રિઝર્વ બેંક ઓફ ઇન્ડિયા અને એનપીસીઆઇએ આ મામલે હજુ સુધી કોઇ સત્તાવાર ટિપ્પણી કરી નથી.
એટીએમ ચલાવવાનો ખર્ચ વધી રહ્યો છે.
રિપોર્ટ અનુસાર વધતા જતા ફુગાવા અને છેલ્લા બે વર્ષમાં 1.5-2 ટકાના વધતા જતા ઋણ ખર્ચ, પરિવહન પર વધુ ખર્ચ, રોકડ ભરપાઈ અને ખર્ચને કારણે નોન-મેટ્રો શહેરોમાં એટીએમ ચલાવવાનો ખર્ચ ઝડપથી વધી રહ્યો છે.
