GST કાઉન્સિલની બેઠકમાં જૂની કાર, EV, તમાકુ અને સિગારેટ પર GST વધારવા પર ચર્ચા થશે. આ ફેરફારોની સીધી અસર સામાન્ય માણસ પર પડશે અને વાહનોના ભાવમાં વધારો થશે. સાથે જ સિગારેટ અને તમાકુનું સેવન કરનારાઓને પણ આંચકો લાગશે.
GST કાઉન્સિલની 55મી બેઠક જેસલમેરમાં આજથી શરૂ થઈ છે અને કાઉન્સિલ આવતીકાલે એટલે કે 21મી ડિસેમ્બરે પોતાનો નિર્ણય આપશે. GST કાઉન્સિલની બેઠક જૂની કાર અને વપરાયેલ ઇલેક્ટ્રિક વાહનો પર GST વધારવા પર વિચાર કરી રહી છે. આ સિવાય તમાકુ અને સિગારેટ જેવી પ્રોડક્ટ્સ પર પણ GST 7% થી 35% વધારવાની આશા છે. વાહનો પર GST 12% થી વધારીને 18% કરવામાં આવી શકે છે. કાઉન્સિલના આ નિર્ણયથી સેકન્ડ હેન્ડ વાહનો મોંઘા થશે.
આ મુદ્દાઓ પર ચર્ચા થઈ શકે છે
GST કાઉન્સિલની બેઠકમાં જૂની કાર, EV, તમાકુ અને સિગારેટ પર GST વધારવા પર ચર્ચા થશે. આ ફેરફારોની સીધી અસર સામાન્ય માણસ પર પડશે અને વાહનોના ભાવમાં વધારો થશે. સાથે જ સિગારેટ અને તમાકુનું સેવન કરનારાઓને પણ આંચકો લાગશે.
ફિટમેન્ટ કમિટીએ દરખાસ્ત કરી હતી
GST ફિટમેન્ટ કમિટીએ જૂની કાર અને EV પર GST વધારવાનો પ્રસ્તાવ મૂક્યો છે. હાલમાં, મોટાભાગના જૂના વાહનો પર 12% GST લાગુ છે. જો આ દરખાસ્ત મંજૂર થઈ જશે તો જૂના વાહનો મોંઘા થઈ જશે. આ અંગેની સ્પષ્ટતા કાઉન્સિલની બેઠકમાં પણ આવી શકે છે. આ સેસ હજુ સંપૂર્ણ રીતે લાગુ કરવામાં આવ્યો નથી.
વીમાનું પ્રીમિયમ અને ઘડિયાળો મોંઘી થશે
આ બેઠકમાં જીવન અને આરોગ્ય વીમા પ્રિમીયમ પરના ટેક્સના દરને ઘટાડવા, મોંઘી કાંડા ઘડિયાળો, પગરખાં અને વસ્ત્રો પર ટેક્સ રેટ વધારવા અને બિન-આવશ્યક વસ્તુઓ પર અલગથી 35 ટકા ટેક્સ લાદવા અંગે વિચારણા થઈ શકે છે.
કેન્દ્રીય નાણાપ્રધાન નિર્મલા સીતારમણની અધ્યક્ષતામાં GST કાઉન્સિલની 55મી બેઠકમાં લગભગ 148 વસ્તુઓના દરમાં ફેરફાર અંગે ચર્ચા થવાની શક્યતા છે. વધુમાં, એવિએશન ટર્બાઇન ફ્યુઅલ (ATF), જે ઉડ્ડયન ઉદ્યોગના સંચાલન ખર્ચના મુખ્ય ઘટક છે, તેને ગુડ્સ એન્ડ સર્વિસ ટેક્સ (GST)ના દાયરામાં લાવવા અંગે પણ ચર્ચા કરવામાં આવશે.
સ્વિગી અને ઝોમેટો જેવા ફૂડ ડિલિવરી પ્લેટફોર્મ પર GST દર વર્તમાન 18 ટકા (ITC સાથે) થી ઘટાડીને પાંચ ટકા (ઇનપુટ ટેક્સ ક્રેડિટ વિના) કરવાનો પ્રસ્તાવ છે.
