પાકિસ્તાની યુટ્યુબ ચેનલો પર પ્રતિબંધ અંગે ગૃહ મંત્રાલય સાથે સંકળાયેલા એક અધિકારીએ જણાવ્યું હતું કે ભારત વિરુદ્ધ ભડકાઉ, સાંપ્રદાયિક રીતે સંવેદનશીલ સામગ્રી અને ખોટી માહિતીના સતત પ્રસારને કારણે ઘણી પાકિસ્તાની યુટ્યુબ ચેનલો બ્લોક કરવામાં આવી છે.
પહેલગામ આતંકવાદી હુમલા બાદ ભારત દ્વારા પાકિસ્તાન વિરુદ્ધ સતત કાર્યવાહી કરવામાં આવી રહી છે. ગૃહ મંત્રાલયની ભલામણો બાદ હવે ભારત સરકારે પાકિસ્તાનની ઘણી યુટ્યુબ ચેનલો પર પ્રતિબંધ મૂકી દીધો છે. આ ચેનલોમાં ભૂતપૂર્વ ક્રિકેટર શોએબ અખ્તર અને આરઝૂ કાઝમી જેવા ઘણા મોટા યુટ્યુબ ચેનલોનો પણ સમાવેશ થાય છે. આ સાથે, ભારતમાં ઘણા મોટા મીડિયા હાઉસની યુટ્યુબ ચેનલો પર પણ પ્રતિબંધ મૂકવામાં આવ્યો છે. આતંકવાદીઓને ઉગ્રવાદી કહેવા બદલ બીબીસીને એક પત્ર મોકલવામાં આવ્યો છે.
ગૃહ મંત્રાલયની ભલામણોને અનુસરીને, ભારત સરકારે ગયા અઠવાડિયે 22 એપ્રિલે જમ્મુ અને કાશ્મીરમાં પહેલગામ આતંકવાદી ઘટના બાદ ભારત, તેની સૈન્ય અને સુરક્ષા એજન્સીઓ વિરુદ્ધ ભડકાઉ અને સાંપ્રદાયિક રીતે સંવેદનશીલ સામગ્રી, જૂઠાણા અને ખોટી માહિતી ફેલાવવા બદલ ઘણી પાકિસ્તાની યુટ્યુબ ચેનલો પર પ્રતિબંધ મૂક્યો છે.
