લેબનોનમાં ઇઝરાયેલી સેનાનું સૈન્ય અભિયાન ચાલુ છે, જે દરમિયાન હિઝબુલ્લાહને એક પછી એક અનેક મોટા આંચકાઓ મળ્યા છે. બુધવારે, ઇઝરાયેલે લેબનોનમાં આઠ ઇઝરાયેલી સૈનિકોના મૃત્યુની પુષ્ટિ કર્યાના કલાકો પછી, એક હવાઈ હુમલામાં હિઝબુલ્લાના વડા હસન નસરાલ્લાહના જમાઈને પણ મારી નાખ્યો.
લેબનોનમાં ચાલી રહેલા ઈઝરાયેલ સૈન્ય ઓપરેશન દરમિયાન IDFને મોટી સફળતા મળી છે. ઈઝરાયેલી સેનાએ એક હુમલામાં હિઝબુલ્લાના ચીફ હસન નસરાલ્લાહના જમાઈ હસન જાફર કાસિરને મારી નાખ્યો છે.
હસન કાસિરના ભાઈ અહમદ કાસિરે 1982માં લેબનોન યુદ્ધ દરમિયાન આત્મઘાતી હુમલો કર્યો હતો. 11 નવેમ્બર, 1982ના રોજ, અહેમદ વિસ્ફોટકોથી ભરેલી કાર સાથે લેબનોનના ટેયરમાં ઇઝરાયેલી બેઝમાં પ્રવેશ્યો. લેબનોનના ઈતિહાસમાં આ પ્રથમ આત્મઘાતી બોમ્બ વિસ્ફોટ હતો.
ઇઝરાયેલી સેના લેબનોનમાં ગ્રાઉન્ડ ઓપરેશન કરી રહી છે, આ દરમિયાન બુધવારે હિઝબુલ્લાહના હુમલામાં 8 ઇઝરાયેલ સૈનિકો માર્યા ગયા હતા. હિઝબુલ્લાએ એવો પણ દાવો કર્યો હતો કે તેઓ દક્ષિણ લેબેનોનના મરુન અલ-રાસ ગામ તરફ આગળ વધતા ત્રણ ઇઝરાયેલી મેરકાવા ટેન્કનો નાશ કર્યો હતો. કહેવામાં આવી રહ્યું છે કે હિઝબુલ્લાહના આ હુમલાના થોડા કલાકો બાદ ઈઝરાયેલી સેનાએ મેજામાં હુમલો કરીને હસન કાસિરને ઠાર માર્યો હતો.
