📢 બ્રેકિંગ ન્યૂઝ: રાજ્યમાં 130 તાલુકામાં વરસાદ, ડભોઈમાં સૌથી વધુ 6 ઈંચ || વિજય રૂપાણીની આજે અંતિમવિધિ

છેલ્લા 24 કલાક દરમિયાન રાજ્યના 130થી વધુ તાલુકાઓમાં વરસાદ ખાબક્યો છે. મધ્ય ગુજરાત, દક્ષિણ ગુજરાત અને સૌરાષ્ટ્રના ઘણા જિલ્લાઓમાં વરસાદ નોંધાયો છે. 12 તાલુકામાં બે ઈંચથી વધુ અને 27 તાલુકામાં એક ઈંચથી વધુ વરસાદ થયો છે. સૌથી વધુ વરસાદ વડોદરાના ડભોઈમાં 6 ઈંચ, છોટા ઉદેપુરના સંખેડામાં 5 ઈંચ, સુરતના ઉમરપાડામાં 3.4 ઈંચ અને વલસાડના ઉમરગામ તથા ડાંગના આહવામાં 3.3 ઈંચ નોંધાયો છે.અન્ય એક મહત્વની ઘટનામાં, પૂર્વ મુખ્યમંત્રી વિજય રૂપાણીની આજે રાજકોટમાં અંતિમવિધિ કરવામાં આવશે. તેમના પાર્થિવ દેહને વિશેષ પ્રોટોકોલ હેઠળ રાજકોટ લાવવામાં આવશે, જ્યાં અંતિમયાત્રા બાદ વિધી કરાશે. તેમના DNA રિપોર્ટ દુર્ઘટના પછી 70 કલાકમાં મેચ થયા છે. તેમનાં પરિવારના સભ્યો આજે સાંજે રાજકોટ માટે રવાના થશે.