મુંબઈ : અમુક લોકો સવારે ઉઠીને બ્રશ કર્યા વગર જ સૌથી પહેલા પાણી પીવે છે. એવામાં મોટાભાગે ઘણા લોકોને સવાલ થાય છે કે બ્રશ કર્યા વગર પાણી પીવું કેટલું યોગ્ય છે. તમે પોતાના ઘરના વૃદ્ધુને આમ કહેતા સાંભળ્યા હશે કે સવારે ખાવી પેટે પાણી પીવાથી શરીરના બધા ગંદા પદાર્થ બહાર નિકળી જાય છે. ડોક્ટર્સ અનુસાર પણ એક દિવસમાં 10થી 12 ગ્લાસ પાણી પીવું જોઈએ. પરંતુ સવારે બ્રશ કર્યા વગર પાણી પીવું જોઈએ કે નહીં?
સવારના સમયે પાણી પીવાથી તમારૂ સ્વાસ્થ્ય સારૂ રહે છે આખો દિવસ તમે હાઈડ્રેટેડ રહો છો. સાથે જ તમને પેટ સંબંધી બિમારી નથી થતી અને તમારી સ્કિન પણ હંમેશા ગ્લો કરે છે. સાથે જ ઘણી બીમારીઓથી પણ તમને બચાવે છે.બ્રશ કર્યા વગર પાણી પીવાથી શરીરની પાચન શક્તિ મજબૂત થાય છે. તેના કારણે તમે આખો દિવસ જે વસ્તુઓ ખાવ છો તો સારી રીતે પચી જાય છે. તેના ઉપરાંત સવારે બ્રશ કર્યા વગર પાણી પીવાથી શરીરની ઘણી પ્રકારની બીમારીઓ પણ દૂર થાય છે.
સવારે ખાલી પેટે બ્રશ કર્યા વગર પાણી પીવાથી તમારી રોગ પ્રતિકારક ક્ષમતા પણ સારી થાય છે. જો તમને પણ સવારે જલ્દી શરદી, ખાંસી થઈ જાય છે તો તમારે સવારના સમયે રોજ બ્રશ કર્યા વગર પાણી પીવું જોઈએ.જો તમે લાંબા વાળ અને ગ્લોઈંગ સ્કિન મેળવવા ઈચ્છો છો તો બ્રશ કર્યા વગર પાણી પીવાનું શરૂ કરી દો. સાથે જ પેટ સંબંધી સમસ્યા જેમકે કબજીયાત, મોંઢામાં ચાંદા, ઓડકારથી પરેશાન વ્યક્તિને પણ રોજ સવારે પાણી પીવું જોઈએ.જો તમે હાઈ બ્લડ પ્રેશર અને શુગરના દર્દી છો તો તમને સવારમાં પાણી જરૂર પીવું જોઈએ. તેના ઉપરાંત સવારે ખાલી પેટે બ્રશ કર્યા વગર પાણી પીવાથી સ્થૂળતા ઓછી થાય છે. જે લોકોના મોંઢામાંથી દુર્ગંધ આવે છે. તેમને સવારે ઉઠીને એક ગ્લાસ હુંફાળું પાણી જરૂર પીવું જોઈએ. મોંઢામાં સલાઈવાની કમીના કારણે આપણું મોંઢું સંપૂર્ણ પણે સુકાઈ જાય છે અને બેક્ટેરિયા ઉત્પન્ન થાય છે. જેનાથી મોંઢામાં દુર્ગંધ આવે છે. જો તમે સવારે ઉઠીને એક ગ્લાસ પાણી પીવો તો તમને આ સમસ્યાથી છુટકારો મળી શકે છે.
