ચેન્નાઈ સુપર કિંગ્સની ટીમ IPL 2025માં સતત 5 મેચ હારી ગઈ છે. ટીમના આ ખરાબ પ્રદર્શન વચ્ચે, સિનિયર ખેલાડી આર. અશ્વિન ચાહકોના નિશાના પર આવી ગયો છે. CSK ચાહકો અશ્વિન પર ગંભીર આરોપો લગાવી રહ્યા છે.
IPL 2025 માં જીત સાથે શરૂઆત કરનાર ચેન્નાઈ સુપર કિંગ્સની ટીમ હવે આ સિઝનમાં ઘણી પાછળ રહી ગઈ છે. તેણે છેલ્લી 5 મેચમાં પાંચ હારનો સામનો કરવો પડ્યો છે. ૧૧ એપ્રિલે કોલકાતા નાઈટ રાઈડર્સ સામે રમાયેલી મેચમાં પણ તેને મોટી હારનો સામનો કરવો પડ્યો હતો. આ મેચમાં પ્રથમ બેટિંગ કરતી સીએસકે ટીમ ૨૦ ઓવરમાં ૯ વિકેટ ગુમાવીને માત્ર ૧૦૩ રન જ બનાવી શકી હતી. જ્યારે, KKR એ માત્ર 10.1 ઓવરમાં લક્ષ્ય હાંસલ કરી લીધું. આ શરમજનક પ્રદર્શન પછી, એક CSK ખેલાડી તેની ટીમના ચાહકોનું નિશાન બન્યો છે. આ ખેલાડી બીજું કોઈ નહીં પણ આર. અશ્વિન છે.
અશ્વિન પાસે એક યુટ્યુબ ચેનલ પણ છે, જે તાજેતરમાં સમાચારમાં હતી. આ દિવસોમાં અશ્વિન તેની યુટ્યુબ ચેનલ પર IPL મેચોના પ્રિવ્યૂ અને રિવ્યુ શો કરી રહ્યો છે. પરંતુ તાજેતરમાં જ તેમની યુટ્યુબ ચેનલના એડમિને આ સમાચારની પુષ્ટિ કરી છે કે અશ્વિનની યુટ્યુબ ચેનલ ચેન્નાઈ સુપર કિંગ્સની બાકીની મેચોને કવર કરશે નહીં. ખરેખર, 5 એપ્રિલે દિલ્હી કેપિટલ્સ અને ચેન્નાઈ સુપર કિંગ્સ વચ્ચે રમાયેલી મેચ બાદ એક વિવાદ ઉભો થયો હતો. મેચ રિવ્યૂમાં, અશ્વિનની યુટ્યુબ ચેનલ પરના મહેમાન પ્રસન્ના અગોરમે CSKની ટીમ પસંદગી પર પ્રશ્નો ઉઠાવ્યા હતા. આ પછી ભારે હોબાળો થયો. જે બાદ તેણે આ નિર્ણય લીધો.
